විශ්වාස කරන්න..

විශ්වාස කරන්න..

දුර ඈත ඉඳන්..
ඔබ දෙසම බලන්..
මම හිටියෙ හොරෙන්..
ඔය රුව විඳිමින්..

ඔයා දන්නෙ වත් නැතුව ඇති සමහරවිට..

පුංචි පුංචි විහිළු අසා..
හිනැහෙනකොට ආස නිසා..
මං හොඳටම විහිළු කළා..
හිනා නොවී ඔයා ගියා..

විහිළු කරන්න මං ඔයාගෙ කව්ද නේද..

ඔන්න ඉතිං ඊට පස්සෙ දවසක..

දැකගන්නට ඔබව සිතා..
වේලාසන පිටත් උනා..
ඒත් ඔයා පමා වෙලා..

කලින් වැඩී ලු මං..

ඊළඟ දින මමත් ගියා..
ටික මොහොතක් පමා වෙලා..
එදා ඔයා කළින් ගියා..

කලින් ආවොත් කලින් වැඩියි..
පමා උනොත් පමා වැඩියි..

මට තේරෙන්නෙ නෑ අප්පා..

ඈ සඳ වන් කැළුම් බෙදන සුර අඟනකි මට...

ඈ සඳ වන් කැළුම් බෙදන සුර අඟනකි මට
නැත නැත සඳ පරදිනවා සත්තයි ඈ හට
මුතු ඇට වන් දසන් වලින් ඈ හිනැහෙන විට
ඕනෑ නැත විකසිත මල් සුවන්දයි ඈ මට

මා දෙනුවන් ඒ දෙනෙතේ ලැගුම් සොයන සඳ
ඇගෙ කටහඬ මා දෙසවන පුරා ඇසෙන සඳ
ඈ විගසින් හනි හනිකට ගමන් යනෙන සඳ
මා නොදැනම ඈ වෙත ගොස් තිබුණා මගෙ හද

අයාලෙ ගිය ජීවිතයක් තිබුණා මා හට
ඔබම තමයි මග පෙන්වූ පහන් ටැඹත් මට
ඒ බව තවමත් තේරී නැතිනම් නුඹ හට
තරහක් නෑ මම ඉන්නම් දින දින ගැන ගැන